CULLERCIENCIA 2023 - ANUNCIOS PROMOCIONAIS

 

NOVA WEB PARA O TRABALLO DE TODO O ALUMNADO DO CENTRO

Bos días.

Tal e como levamos anunciando varios días, hoxe centralizamos todas as tarefas do centro nunha sola web e en modo de xogo. Para acceder á web hai que facer clic AQUÍ ou usar o enlace https://conexionconvivencia.wixsite.com/ceipriadoburgo Traballaremos en modo gamificación (de xeito lúdico con xogos e retos). Cada semana faremos diferentes actividades das diversas áreas que o alumnado tratará de solucionar para abrir os candados do reto. Cando se superen abriremos os códigos dos retos.

MANUAL DE USO

EN GALEGO

EN CASTELÁN

EN INGLÉS

NOVIDADES

O martes, 5 de maio, haberá novidades. Estade atent@s.

REPARTO DE MATERIAL ESCOLAR NOS DOMICILIOS

As instrucións publicadas pola Consellería o 27 de abril e o acordo coa FEGAMP recollen a posibilidade de enviar ás familias material escolar que deixaron no centro, no momento en que as clases foron suspendidas. Despois de consultar coa inspección educativa e obter a súa autorización, este reparto será feito polo voluntariado do Concello de Culleredo.

Aquelas familias que queiran que se lles envíe o material escolar deberán enviar un e-mail ao colexio (ceip.riadoburgo@edu.xunta.gal) cos seguintes datos:

• Nome, apelidos e curso do alumno/a.
• Nome, apelidos e DNI do/a solicitante.
• Lugar ao que se enviará o material (enderezo completo e actualizado). Se hai familias con sentenzas de separación e/ou divorcio, o lugar onde o recibirá o neno/a para traballar.
• Teléfono de contacto.
• Material que solicita.

Os materiais que se repartirán serán libros, libretas con apuntes de clase, frauta e dicionario.

Por cuestións organizativas e de reparto o prazo de solicitude comeza hoxe e remata o luns, 4 de maio, ás 14:00 horas. Enviaremos un avisos a toda a comunidade do día en que se fará o reparto (que esperamos sexa a finais da vindeira semana).

RECURSOS EDUCATIVOS AFUNDACIÓN PARA A FIN DE SEMANA (III)

Afundación invita a ver e participar de catro recursos educativos que oferta para a fin de semana.

• Talleres de artes plásticas en familia: estampado con cola de pegar e especias.
• Videocontos en familia: "O galo kiriko" por Carles García Domingo.
• Matemáticas e xeometría na arte.
• Conferencia de Javier Urra: "A educación, a mellor das vacinas".

RECURSOS EDUCATIVOS AFUNDACIÓN (II)

Afundación achega catro propostas para realizar ao longo da semana:

• Visita virtual á exposición "Sonoro empeño".
• Actividades da exposición "Sonoro empeno" para escolares de 4º de EP ata 2º de ESO.
• Comics culturais. Recomendacións con Asier Mensuro: "Científicas: pasado, presente e futuro".
• Teatro en familia. Mamá Cabra: "15 primaveras."

ACLARACIÓNS SOBRE O MATERIAL E A ACTIVIDADE DE EDUCACIÓN MUSICAL PARA 4º, 5º E 6º DE EDUCACIÓN PRIMARIA.

Anaisy, a mestra de Educación Musical, fixo un vídeo, facendo clic AQUÍ, con aclaración de dúbidas sobre como participar no Proxecto Valse de Vilanova dos Infantes e o manexo de materiais.